Cyhoeddi rhyddhad ardrethi ychwanegol i dafarndai a bwytai

Bydd tua 4,400 o fusnesau lletygarwch yn gymwys i gael rhyddhad o 15% ar eu biliau ardrethi yn 2026-2027, gan eu helpu trwy gyfnod o gostau cynyddol pan fo arferion defnyddwyr yn newid.

Mae Llywodraeth Cymru yn darparu hyd at £8 miliwn ar gyfer y pecyn, gan ddefnyddio cyllid gan Lywodraeth y DU, ond hefyd gan ddefnyddio arian Llywodraeth Cymru i ehangu ystod y busnesau a gaiff eu cynorthwyo yng Nghymru.

Daw’r gefnogaeth hon ar gyfer y sector lletygarwch bwyd a diod ar ben y gefnogaeth sylweddol sy’n bodoli eisoes. Mae bron i hanner y tafarndai yng Nghymru eisoes yn elwa o Ryddhad Ardrethi Busnesau Bach, ac nid yw dros chwarter yn talu unrhyw ardrethi o gwbl. Mae rhyddhad parhaol Llywodraeth Cymru werth £250 miliwn bob blwyddyn.

O fis Ebrill ymlaen, bydd y lluosydd a ddefnyddir i gyfrifo’r biliau ardrethi hefyd yn cael ei leihau am y tro cyntaf ers 2010, ac mae £116 miliwn mewn rhyddhad trosiannol yn cael ei ddarparu dros ddwy flynedd i helpu busnesau i addasu i’r ailbrisiad.

Dywedodd yr Ysgrifennydd Cyllid, Mark Drakeford:

Mae tafarndai, bwytai, caffis, bariau a lleoliadau cerddoriaeth fyw wrth galon cymunedau ledled Cymru. Gwyddom eu bod yn wynebu pwysau gwirioneddol, o gostau cynyddol i arferion newidiol defnyddwyr.
Bydd y gefnogaeth ychwanegol hon yn helpu tua 4,400 o fusnesau wrth iddynt addasu i’r heriau hyn. Rydym wedi ymestyn y rhyddhad hwn i fwytai a chaffis, yn ogystal â thafarndai a lleoliadau cerddoriaeth fyw, oherwydd mewn trefi ac ar strydoedd mawr ledled Cymru mae’r busnesau hyn yn gweithredu ochr yn ochr, ac yn aml mewn cystadleuaeth uniongyrchol â’i gilydd. Mae’n gwneud synnwyr i roi cefnogaeth gyfartal iddynt.
Mae hyn yn adeiladu ar fwy na £1 biliwn mewn rhyddhad ardrethi dros dro yr ydym wedi’i ddarparu ers 2020, ochr yn ochr â’n rhyddhad parhaol gwerth £250 miliwn bob blwyddyn. Byddwn yn parhau i gefnogi’r busnesau lletygarwch sy’n gwasanaethu ein cymunedau.

Gall busnesau cymwys wneud cais am y rhyddhad trwy eu hawdurdod lleol o fis Ebrill 2026.

Around 4,400 hospitality businesses will be eligible for 15% relief on their rates bills in 2026-2027, helping them through a period of rising costs and changing consumer habits.

The Welsh Government is providing up to £8 million for the package, using funding from the UK government but also deploys the Welsh Government’s own funds to extend the range of businesses helped in Wales.

This support for food and drink hospitality comes on top of substantial existing support. Almost half of pubs in Wales already benefit from Small Business Rates Relief, and over a quarter pay no rates at all. The Welsh Government’s permanent reliefs are worth £250 million every year.

From April, the multiplier used to work out rates bills will also be reduced for the first time since 2010, and £116 million in transitional relief is being provided over two years to help businesses adjust to the revaluation.

Finance Secretary Mark Drakeford said:

Pubs, restaurants, cafes, bars, and live music venues are at the heart of communities across Wales. We know they are facing real pressures, from rising costs to changing consumer habits.
This additional support will help around 4,400 businesses as they adapt to these challenges. We have extended this relief to restaurants and cafes, as well as pubs and live music venues, because in towns and high streets across Wales these businesses operate side by side, often in direct competition. It makes sense to support them equally.
This builds on more than £1 billion in temporary rates relief we have provided since 2020, alongside our permanent reliefs worth £250 million every year. We will continue to stand behind the hospitality businesses that serve our communities.

Eligible businesses can apply for the relief through their local authority from April 2026.